Неделя святых праотцев

Неделя святых праотцев

На Литургии

Блаженна гласа на 4: и праотцев песнь 3-я, на 4: и пророка песнь 6-я, на 4.

Во Царствии Твоем помяни нас, Господи, егда приидеши во Царствии Твоем.

Блажени нищии духом, яко тех есть Царство Небесное.

Разбойник на Кресте Бога Тя быти веровав, Христе, исповеда Тя чисте от сердца, помяни мя Господи, вопия, во Царствии Твоем.

Блажени плачущии, яко тии утешатся.

Иже на Древе крестнем жизнь процветшаго роду нашему, и изсушивша юже от древа клятву, яко Спаса и Содетеля согласно воспоим.

Блажени кротции, яко тии наследят землю.

Смертию Твоею Христе, смертную разрушил еси силу, и совоздвигл еси иже от века умершия, Тя поющия истиннаго Бога и Спаса нашего.

Блажени алчущии и жаждущии правды, яко тии насытятся.

На гроб Твой Христе, пришедша жены честныя, искаху Тя Жизнодавче миропомазати, и явися им ангел вопия: воскресе Господь.

Блажени милостивии, яко тии помиловани будут.

Отцем пение принесем, прежде закона и в законе возсиявшим, и из Девы возсиявшему Господу и Владыце волею правою угодившим, и незаходимаго просвещения ныне наслаждающимся.

Блажени чистии сердцем, яко тии Бога узрят.

Адама перваго почтим, рукою почтеннаго Зиждителя, и всех нас праотца уже бывшаго, и в скиниях небесных со всеми избранными почивающа.

Блажени миротворцы, яко тии сынове Божии нарекутся.

Авеля дары принесшаго душею благороднейшею, прият всех Бог и Господь: сего же паки скверноубийственною рукою умерщвлена, принесе к свету, яко Божественна мученика.

Блажени изгнани правды ради, яко тех есть Царство Небесное.

Речение Божественных услышим вопиющих Христово явление: се бо в вертепе раждается из Отроковицы неискусомужныя, Егоже страшное рождество провозвещает звездословцем звезда явльшаяся.

Блажени есте, егда поносят вам, и изженут, и рекут всяк зол глагол на вы лжуще Мене ради.

Радуйтеся и веселитеся, яко мзда ваша многа на небесех.

Ангельския ты лики во свете светлейшем зря, подражатель всеизряднейший сих был еси, Всецаря наслаждаяся сияньми. [Дважды.]

Слава: Спасительное Слова пришествие возвещая, предвозвестил еси и храма разорение, закона же исполнение и благодати паче ума дарования.

И ныне: Се Дева во утробе яве зачинает Христа Бога, осиявшися Духом, Еяже проображение провидяше Даниил славный.

По входе тропарь воскресен, глас 5:

Собезначальное Слово Отцу и Духови, от Девы рождшееся на спасение наше, воспоим вернии и поклонимся: яко благоволи плотию взыти на Крест, и смерть претерпети, и воскресити умершия славным Воскресением Своим.

Таже святых, глас 2:

Велия веры исправления: во источнице пламене, яко на воде упокоения, святии трие отроцы радовахуся, и пророк Даниил, львом пастырь, яко овцам, являшеся. Тех молитвами, Христе Боже, спаси души наша.

Слава, кондак пророка, глас 3.

Подобен: Дева днесь:

Просветившееся Духом чистое твое сердце пророчества бысть светлейшаго приятелище: зриши бо, яко настоящая, далече сущая. Львы укротил еси, ввержен в ров; сего ради тя почитаем, пророче блаженне, Данииле славне.

И ныне, праотцев, глас 6:

Рукописаннаго образа не почетше, но неописанным Существом защитившеся, треблаженнии, в подвизе огня прославистеся: среде же пламене нестерпимаго стояще, Бога призвасте: ускори, о Щедрый! и потщися яко милостив в помощь нашу, яко можеши хотяй.

Прокимен, песнь отцев, глас 4: Благословен еси, Господи Боже отец наших, и хвально и прославлено имя Твое во веки: Стих: Яко праведен еси о всех, яже сотворил еси нам. Прокимен, глас тойже: Дивен Бог во святых Своих, Бог Израилев.

Апостол, и Евангелие Недели праотцев и святых: ряд же Недели оставляется.

Апостол праотцев к Колоссаем, зачало 257. [Кол. 3; 4–11.]

Братие, егда Христос явится, живот ваш, тогда и вы с Ним явитеся в славе.

Братья, когда явится Христос, жизнь ваша, тогда и вы явитесь с Ним во славе.

Умертвите убо уды ваша, яже на земли: блуд, нечистоту, страсть, похоть злую и лихоимание, еже есть идолослужение,

Итак, умертвите земные члены ваши: блуд, нечистоту, страсть, злую похоть и любостяжание, которое есть идолослужение,

Ихже ради грядет гнев Божий на сыны противления,

За которые гнев Божий грядет на сынов противления,

В нихже и вы иногда ходисте, егда живясте в них.

В которых и вы некогда обращались, когда жили между ними.

Ныне же отложите и вы та вся: гнев, ярость, злобу, хуление, срамословие от уст ваших:

А теперь вы отложите все: гнев, ярость, злобу, злоречие, сквернословие уст ваших;

Не лжите друг на друга, совлекшеся ветхаго человека с деяньми его

Не говорите лжи друг другу, совлекшись ветхого человека с делами его

И облекшеся в новаго, обновляемаго в разум по образу Создавшаго его,

И облекшись в нового, который обновляется в познании по образу Создавшего его,

Идеже несть Еллин, ни Иудей, обрезание и необрезание, варвар и Скиф, раб и свободь, но всяческая и во всех Христос.

Где нет ни Еллина, ни Иудея, ни обрезания, ни необрезания, варвара, Скифа, раба, свободного, но все и во всем Христос.

Апостол ко Евреом, зачало 330. [Евр. 11, 33 – 12, 2.]

Братие, святии вси верою победиша царствия, содеяша правду, получиша обетования, заградиша уста львов,

Брятья, святые все верою побеждали царства, творили правду, получали обетования, заграждали уста львов,

Угасиша силу огненную, избегоша острея меча, возмогоша от немощи, быша крепцы во бранех, обратиша в бегство полки чуждих:

Угашали силу огня, избегали острия меча, укреплялись от немощи, были крепки на войне, прогоняли полки чужих;

Прияша жены от воскресения мертвых своих: инии же избиени быша, не приемше избавления, да лучшее воскресение улучат:

Жены получали умерших своих воскресшими; иные же замучены были, не приняв освобождения, дабы получить лучшее воскресение;

Друзии же руганием и ранами искушение прияша, еще же и узами и темницею,

Другие испытали поругания и побои, а также узы и темницу,

Камением побиени быша, претрени быша, искушени быша, убийством меча умроша, проидоша в милотех и в козиях кожах, лишени, скорбяще, озлоблени:

Были побиваемы камнями, перепиливаемы, подвергаемы пытке, умирали от меча, скитались в милотях и козьих кожах, терпя недостатки, скорби, озлобления;

Ихже не бе достоин (весь) мир, в пустынех скитающеся и в горах и в вертепах и в пропастех земных.

Те, которых весь мир не был достоин, скитались по пустыням и горам, по пещерам и ущельям земли.

И сии вси послушествани бывше верою, не прияша обетования,

И все сии, свидетельствованные в вере, не получили обещанного,

Богу лучшее что о нас предзревшу, да не без нас совершенство приимут.

Потому что Бог предусмотрел о нас нечто лучшее, дабы они не без нас достигли совершенства.

Темже убо и мы, толик имуще облежащ нас облак свидетелей, гордость всяку {бремя всяко} отложше и удобь обстоятелный грех, терпением да течем на предлежащий нам подвиг,

Посему и мы, имея вокруг себя такое облако свидетелей, свергнем с себя всякое бремя и запинающий нас грех и с терпением будем проходить предлежащее нам поприще,

Взирающе на началника веры и совершителя Иисуса.

Взирая на начальника и совершителя веры Иисуса.

Аллилуиа, глас 4: Моисей и Аарон во иереех Его, и Самуил в призывающих имя Его. Глас тойже: Воззваша праведнии, и Господь услыша их.

Евангелие Луки, зачало 76. [Лк. 14; 16–24.]

Рече Господь притчу сию: человек некий сотвори вечерю велию, и зва многи:

Сказал Господь притчу сию: один человек сделал большой ужин и звал многих,

И посла раба своего в год вечери рещи званным: грядите, яко уже готова суть вся.

И когда наступило время ужина, послал раба своего сказать званым: идите, ибо уже всё готово.

И начаша вкупе отрицатися вси. Первый рече ему: село купих, и имам нужду изыти и видети е. Молютися, имей мя отречена.

И начали все, как бы сговорившись, извиняться. Первый сказал ему: я купил землю и мне нужно пойти посмотреть ее; прошу тебя, извини меня.

И другий рече: супруг волов купих пять, и гряду искусити их: молю тя, имей мя отречена.

Другой сказал: я купил пять пар волов и иду испытать их; прошу тебя, извини меня.

И другий рече: жену поях, и сего ради не могу приити.

Третий сказал: я женился и потому не могу прийти.

И пришед раб той поведа господину своему сия. Тогда разгневався дому владыка, рече рабу своему: изыди скоро на распутия и стогны града, и нищия и бедныя и слепыя и хромыя введи семо.

И, возвратившись, раб тот донес о сем господину своему. Тогда, разгневавшись, хозяин дома сказал рабу своему: пойди скорее по улицам и переулкам города и приведи сюда нищих, увечных, хромых и слепых.

И рече раб. Господи, бысть якоже повелел еси, и еще место есть.

И сказал раб: господин! исполнено, как приказал ты, и еще есть место.

И рече господин к рабу: изыди на пути и халуги, и убеди внити, да наполнится дом мой:

Господин сказал рабу: пойди по дорогам и изгородям и убеди прийти, чтобы наполнился дом мой.

Глаголю бо вам, яко ни един мужей тех званных вкусит моея вечери: мнози бо суть звани, мало же избранных.

Ибо сказываю вам, что никто из тех званых не вкусит моего ужина, ибо много званых, но мало избранных.

Евангелие от Луки, зачало 62. [Лк. 11, 47 – 12, 1.]

Рече Господь ко пришедшим к Нему иудеем: горе вам, книжницы и фарисее, яко зиждете гробы пророк: отцы же ваши избиша их.

Сказал Господь ко пришедшим к Нему иудеям: горе вам, что строите гробницы пророкам, которых избили отцы ваши:

Убо свидетельствуете и сблаговолите делом отец ваших: яко тии убо избиша их, вы же зиждете их гробы.

сим вы свидетельствуете о делах отцов ваших и соглашаетесь с ними, ибо они избили пророков, а вы строите им гробницы.

Сего ради и премудрость Божия рече: послю в них пророки и апостолы, и от них убиют и изженут.

Потому и премудрость Божия сказала: пошлю к ним пророков и апостолов, и из них одних убьют, а других изгонят,

Да взыщется кровь всех пророк, проливаемая от сложения мира от рода сего,

да взыщется от рода сего кровь всех пророков, пролитая от создания мира,

От крове Авеля до крове Захарии, погибшаго между олтарем и храмом. ей, глаголю вам: взыщется от рода сего.

от крови Авеля до крови Захарии, убитого между жертвенником и храмом. Ей, говорю вам, взыщется от рода сего.

Горе вам законником, яко взясте ключ разумения, сами не внидосте, и входящим возбранисте.

Горе вам, законникам, что вы взяли ключ разумения: сами не вошли, и входящим воспрепятствовали.

Глаголющу же Ему сия к ним, начаша книжницы и фарисее бедне гневатися Нань, и престати Его о мнозе:

Когда Он говорил им это, книжники и фарисеи начали сильно приступать к Нему, вынуждая у Него ответы на многое,

Лающе Его, ищуще уловити нечто от уст Его, да Нань возглаголют.

подыскиваясь под Него и стараясь уловить что-нибудь из уст Его, чтобы обвинить Его.

О нихже собравшимся тьмам народа, яко попирати друг друга, начат глаголати учеником Своим первее: внемлите себе от кваса фарисейска, еже есть лицемерие.

Между тем, когда собрались тысячи народа, так что теснили друг друга, Он начал говорить сперва ученикам Своим: берегитесь закваски фарисейской, которая есть лицемерие.

Причастен: Хвалите Господа с Небес, хвалите Его в вышних. Другий: Радуйтеся, праведнии о Господе, правым подобает похвала.